Xaçmazda qırılan elektrik xətti meşə zolağında yanğına səbəb olub. Bu barədə ShimalNews 11 iyul tarixində məlumat verir.
Hadisə 15:00 radələrində Xaçmaz-Xudat yolunun Qımılqışlaq kəndi ərazisindən keçən hissəsində baş verib. Əraziyə FHN-in yanğından mühafizə bölmələri cəlb edilib. Avtomobillərin hərəkəti məhdudlaşdırılıb.
Rayon ərazisində havanın küləkli olması yanğının sahəsini genişləndirib. Bu səbəbdən FHN-in mülki müdafiə qoşunları, Xüsusi Riskli Xilasetmə Xidməti və Şimal Regional Mərkəzinin şəxsi heyəti, Ekologiya və Təbii Sərvətlər Nazirliyinin Meşə Təsərrüfatı Mərkəzinin əməkdaşları və Xaçmaz Rayon İcra Hakimiyyətinin müvafiq texnikası əraziyə cəlb olunub. Hal-hazırda yanğınsöndürmə işləri davam etdirilir.
