Xaçmaz və Qusar rayonlarında bələdiyyə balansında olan torpaq və obyektlər müsabiqəyə və hərraca çıxarılacaq. Bu barədə ShimalNews 16 iyul tarixində Əmlak Məsələləri Dövlət Xidmətinin məlumatına istinadən xəbər verir.
Qurum tərəfindən bildirilib ki, prosesdə iştirak etmək istəyənlərin ərizələri 18 iyul - 17 avqust tarixləri aralığında qəbul ediləcək. Müsabiqə və hərraclar isə avqust ayının 18-də saat 15:00-da baş tutacaq.
Beləliklə, adıçəkilən proseslərdə Xaçmaz rayonu üzrə Köhnə Xudat, Qımılqışlaq, Yalama və Qusar rayonu üzrə Gilahoba və Şirvanlı bələdiyyələrinin balansında olan torpaqlar satışa çıxarılacaq.
Tam siyahı ilə tanış olmaq üçün link üzrə keçid etmək lazımdır.
