Xaçmaz və Qusar rayonlarında həssas əhali qruplarından olan şəxslərə ödənişsiz hüquqi yardım xidmətləri göstərilir. Bu barədə ShimalNews 16 iyul tarixində Birləşmiş Millətlər Təşkilatına (BMT) istinadən məlumat verir.
BMT İnkişaf Proqramının (BMTİP) dəstəyi və Ailə, Qadın və Uşaq Problemləri üzrə Dövlət Komitəsinin tərəfdaşlığı ilə vətəndaşlar bu xidmətlərdən yararlanacaq. Bunun üçün Qadın Resurs Mərkəzlərinə (QRM) müraciət etmək lazımdır.
Layihənin əsas məqsədi Azərbaycan Hökumətinin hüquqi xidmətlərini hər bir ölkə vətəndaşı üçün əlçatan edə bilmək istiqamətində gördüyü işlərə dəstək olmaqdır.
Ünvanlar:
Xaçmaz QRM - N.Nərimanov küç. 72A, H.Əliyev parkı;
Qusar QRM - M.Vəliyev küc., H.Əliyev mərkəzi.
