Xaçmaz və Qusar rayonlarında “Gənclər düşərgəsi” təşkil ediləcək. Bu barədə ShimalNews 18 iyul tarixində Gənclər və İdman Nazirliyinə istinadən məlumat verir.
İyul-avqust aylarında “Əylənərək öyrənirik” prinsipi əsasında düşərgələr yaradılacaq. Burada qeyri-formal təhsil alətləri vasitəsilə gənclərin fərdi və peşəkar inkişafına dəstək göstəriləcək.
Düşərgələrdə Vətən Müharibəsində iştirak etmiş gənclər, şəhid və qazi ailələrinin övladları, sağlamlıq imkanları məhdud olan gənclər, ucqar kəndlərdə yaşayan gənclər, təhsilə, təlimə və məşğulluğa cəlb edilməyən gənclər (NEET group), həmçinin, müxtəlif sahələrdə fərqlənmiş gənclər iştirak edəcəklər.
Onlar üçün əyləncəli tədbirlərlə yanaşı, hərbi-fiziki və fərdi inkişaf təlimlərinin, intellektual oyunların, müxtəlif müsabiqə və yarışların keçirilməsi nəzərdə tutulub.
