Xaçmaz şəhərində yerləşən "Turan" kafesində nöqsanlar aşkarlanıb. Bu barədə ShimalNews 6 oktyabr tarixində AQTA-ya istinadən məlumat verir.
Qida Təhlükəsizliyi Agentliyi (AQTA) keçirdiyi nəzarət tədbirləri çərçivəsində Z.Bünyadov küçəsində yerləşən ictimai iaşə müəssisəsində qida təhlükəsizliyi qeydiyyatına dair çıxarışın olmaması, obliqat qrupuna daxil olan işçilərin ilkin və dövri tibbi müayinədən keçməməsi və açıq şəkildə satışı həyata keçirilən məhsullara qoyulan tələblərə dair uyğunsuzluq müəyyən edilib.
Aşkar edilmiş nöqsanların aradan qaldırılması ilə bağlı icrası məcburi göstərişlər verilib.
