Xaçmaz rayonunun Nabran kəndində iyunun 23-ü şənlik təşkil olunacaq. Bu haqda ShimalNews 21 iyun tarixində xəbər verir.
Nabran kəndində tatarların milli "Sabantuy" bayramı keçiriləcək. Qonaqlar üçün böyük yaradıcılıq konserti hazırlanıb. Burada Tatarıstan Respublikasının artistləri, yerli tatar və digər musiqi qrupları çıxış edəcək.
Həmçinin idman üzrə milli yarışlar, "kureş" (güləş), torba ilə qaçış, kəndir çəkmə, boyunduruqla qaçış, qazan sındırmaq və s. kimi yarışlar keçiriləcək.
Tədbir saat 11:30-da başlayır və 16:30-a kimi davam edəcək.
