Xaçmaz rayonunda baş vermiş insidentlə bağlı DİN-in Mətbuat Xidməti açıqlama verib. Bu barədə ShimalNews 18 iyul tarixində Avtosfer.az-a istinadən məlumat verir.
Rayon sakini Samir Fərzəliyevin idarə etdiyi avtomobil hərəkətdə olarkən YPX-nin inspektoru tərəfindən nəzarət-yoxlama qaydasında saxlanılıb. Məlum olub ki, nəqliyyat vasitəsinin hərəkətinə məhdudiyyət qoyulub və onu cərimə meydançasına aparıblar.
Daha sonra Fərzəliyev öz narazılığını bildirərək sosial şəbəkədə müraciət yayıb. Bununla bağlı DİN-in Mətbuat Xidmətinin Quba regional qrupunun baş inspektoru, polis leytenantı Xəyal Talıbov bildirib: “Sosial şəbəkələrdə Xaçmaz Rayon Polis Şöbəsinin Dövlət Yol Polisi Bölməsi ilə bağlı yayılan məlumatlar həqiqətdən uzaqdır, böhtan və şantaj xarakterlidir”.
