Xaçmazda daha bir silsilə oğurluqlar edən şəxs saxlanılıb. Bu barədə ShimalNews 13 iyul tarixində Report-a istinadən məlumat verir.
Xaçmaz Rayon Polis Şöbəsinin əməkdaşları əməliyyat-axtarış tədbirləri keçiriblər. Nəticədə hadisələri törətməkdə şübhəli bilinən rayon sakini Nadir Şeydayev saxlanılıb.
Araşdırmalar zamanı həmin şəxsin rayon ərazisində müxtəlif mağazalardan və evlərdən oğurluq etdiyi məlum olub. Ümumilikdə zərərçəkmişlərə 2029 manat (ümumi dəyəri 1200 manatdan çox olan bal arısı yeşikləri, 650 manat dəyərində fındıq və 179 manat dəyərində kərə yağı) zərər vurduğu müəyyən edilib.
Faktlarla bağlı Xaçmaz RPŞ-də cinayət işi başlanılıb.
