8 Noyabr - Zəfər Gününə qədər Xaçmaz şəhər ərazisində ümumşəhər iməcilikləri təşkil ediləcək. Bu barədə ShimalNews 4 oktyabr tarixində Şəhər İƏD-ə istinadən xəbər verir.
Qrafikdənkənar təmizlik və abadlıq işləri Xaçmaz Şəhər İƏD və MKTİ-nin birgə təşkilatçılığı ilə keçirilir. Artıq H.Z.Tağıyev küçəsində prosesə start verilib. Piyada səkiləri alaq otlarından təmizlənib, tullantılar üçün nəzərdə tutulmuş qutular yuyulub və dezinfeksiya edilib.
Ümumşəhər iməciliyi mümkün qədər bütün küçələri əhatə edəcək.
