Xaçmaz Regional Mədəniyyət İdarəsinin iclası keçirilib. Bu barədə ShimalNews 23 iyul tarixində sözügedən idarəyə istinadən məlumat verir.
Görüş 2022-ci ilin birinci yarımilinin yekunlarına və qarşıda duran vəzifələrə həsr edilib. Xaçmaz Tarix-Diyarşünaslıq muzeyində keçirilən iclasda adıçəkilən idarənin rəisi Vüsal Hüseynov və əməkdaşları, eləcə də bir sıra ona tabe müəssisələrin rəhbərləri iştirak ediblər. Tədbirdə çıxış edən V.Hüseynov regionun mədəni həyatında baş verən hadisələrdən, keçirilən tədbirlərdən, görülən işlərdən, nöqsan və çatışmazlıqlardan danışıb. Daha sonra bir sıra müəssisə rəhbərlərinin təklifləri dinlənilib.
Sonda idarə rəisi keçirilən tədbirlərin keyfiyyətinin artırılmasına dair tövsiyə və tapşırıqlarını verib.
