Xaçmaz rayon rəhbərliyi Qaracik Zeyid kəndində sakinlərlə görüş keçirib. Bu barədə ShimalNews 16 aprel tarixində RİH-yə istinadən məlumat verir.
Tədbirdə icra başçısı Elnur Rzayev, yerli hüquq-mühafizə orqanlarının rəhbərləri və xidmət təşkilatlarının məsul şəxsləri iştirak ediblər. Onlar Qaracik Zeyid kəndi ilə yanaşı, Aşağı Zeyid, Qaracik, Qaracik Zeyid, Şıxhaput, Alıcqışlaq və Çılğır kəndlərinin sakinlərinin müraciətlərini dinləyiblər.
Vətəndaşlar suvarma suyu ilə təchizatın yaxşılaşdırılması, məktəb binasının təmiri, torpaq sahələrinin və fərdi yaşayış evlərinin sənədləşdirilməsinə köməklik göstərilməsi ilə bağlı müraciətlər səsləndiriblər. İcra başçısı əhalini narahat edən problemlərin həlli üçün müvafiq tapşırıqlar verib. Bəzi müraciətlər yerindəcə həll edilib.
