Xaçmaz şəhər İnzibati Ərazi Dairəsi (İƏD) nümayəndəliyinin əməkdaşları bu gün ərazilərə baxış keçiriblər. Bu barədə ShimalNews 14 iyul tarixində quruma istinadən xəbər verir.
Mikayıl Müşfiq (köhnə Məktəbli) küçəsi ilə çoxmənzilli yaşayış binalarını birləşdirən piyada keçidində iməcilik işləri həyata keçirilib.
Bununla yanaşı Füzuli, Ziya Bünyadov və Mikayıl Müşfiq küçələrində yaşayan sakinlər evlərinin qarşısındakı tikinti materiallarını və digər tullantıları toplayıblar. Onlara ərazinin təmizlənməsi barədə bildiriş və xəbərdarlıq edilmişdir.
Həmin ünvanlara baxış keçirilib. Nəticədə xəbərdarlıqlara riayət olunması müşahidə olunmuşdur.
