Mədəniyyət naziri Adil Kərimli Xaçmaz şəhərində vətəndaşları qəbul edib. Bu haqda 27 may tarixində ShimalNews quruma istinadən məlumat verir.
Xaçmaz Şəhər Tarix-Diyarşünaslıq Muzeyində təşkil edilən görüşdə mədəniyyət nazirinin müavini Səadət Yusifova, aparat rəhbəri Xanlar Ağalarov və struktur bölmələrin rəhbərləri də iştirak ediblər. Qəbula, əsasən, Xaçmaz, Quba və Qusar rayonlarından, eləcə də digər bölgələrdən sakinlər qatılıblar.
Səsləndirilən müraciətlər işlə təmin olunma, əməyin qiymətləndirilməsi, mədəniyyət müəssisələrinin maddi-texniki təchizatının yaxşılaşdırılması və digər məsələlərlə bağlı olub.
