Xaçmazda KOB evində yerli sahibkarlar üçün təlim təşkil olunub. Bu haqda ShimalNews 4 oktyabr tarixində xəbər verir.
“Maliyyə mənbələrinə çıxışa dəstək” mövzusunda olan seminarda Quba-Xaçmaz bölgəsində fəaliyyət göstərən bir qrup fərdi sahibkar iştirak edib. Tədbir ABB bank və KOBİA-nın birgə təşkilatçılığı ilə həyata keçirilib. Burada adıçəkilən bankın regionlarda sahibkarlara yaratdığı imkanlar, onların məhsul və xidmətləri haqqında ətraflı məlumat verilib.
Sonda ABB və KOBİA təmsilçiləri iştirakçıların suallarını cavablandırıblar.
