Xaçmaz gəncləri KOB-nin (Kiçik və Orta biznesin inkişafı Agentliyi) Evinə səfər ediblər. Bu barədə ShimalNews 18 iyul tarixində rayon Gənclər və İdman İdarəsinə istinadən məlumat verir.
"Təcrübə üçün səfər et” adlı layihə çərçivəsində gənclər KOB Evi ilə tanış olublar. İlk öncə iştirakçılara qurumun fəaliyyəti haqqında ümumi məlumatlar verib. Həmçinin, burada fəaliyyət göstərən dövlət qurumlarının iş prinsipi ətraflı izah olunub. Daha sonra gənclər KOB İnkişaf Mərkəzini ziyarət ediblər.
Səfərin sonunda adıçəkilən idarə ilə qurum arasında əməkdaşlıq müzakirə edilib. Birgə təlimlərin keçirilməsi planlaşdırılıb.
