Kiçik və Orta Biznesin İnkişafı Agentliyinin Xaçmaz KOB İnkişaf Mərkəzində gənclər üçün təlim keçirilib. Bu haqda ShimalNews 29 noyabr tarixində Quba-Xaçmaz Regional Gənclər və İdman İdarəsinə istinadən məlumat verir.
“Maliyyə risklərinin idarə olunması” mövzusunda baş tutan təlimdə biznesdə satışın həcmi, maliyyə savadlılığı, satınalmaların təşkili və idarə olunması,inflyasiyanın səviyyəsi, subsidiyaların verilməsi,bazar iqtisadiyyatı, əmək haqlarının hesablanması ilə bağlı məlumat verilib. Həmçinin gəlir və xalis gəlirin fərqi, satış gəlirləri, personal xərclər, amortizasiya xərcləri, xalis gəlirin və maliyyə axınının idarə olunması barədə danışılıb.
