Ekologiya və təbii sərvətlər naziri Xaçmazda vətəndaş qəbulu keçirib. Bu haqda ShimalNews 6 oktyabr tarixində məlumat verir.
Muxtar Babayevlə görüş Tarix-Diyarşünaslıq Muzeyinin inzibati binasında baş tutub. Qəbulda ətraf mühitin mühafizəsi, meşələrin qorunması, biomüxtəliflik, mineral xammal, həmçinin işlə təminolunma və digər məsələlər səsləndirilib. Qaldırılan mövzuların bir qismi yerindəcə həllini tapıb, digərlərinin isə araşdırılması üçün müvafiq tapşırıqlar verilib.
Qəbuldan öncə nazir və Xaçmaz RİH-nin başçısı Elnur Rzayev Heydər Əliyevin abidəsini ziyarət edərək, önünə gül dəstələri qoyublar.
