Bu gün Vətən müharibəsi şəhidi Elsevər Yariyevin anım günüdür. Bu haqda ShimalNews 30 sentyabr tarixində məlumat verir.
Elsevər Yariyev 1986-cı il sentyabrın 25-də Xudat şəhərində anadan olub. Atası, mayor Qalib Yariyev Birinci Qarabağ müharibəsinin iştirakçısı olub. Atasından nümunə götürən Elsevər uşaqlıqdan hərbçi olmaq istəyirdi.
E.Yariyev Aprel döyüşlərində də iştirak edib. 2020-ci il sentyabrın 28-i Vətən müharibəsinə qatılıb və həmin ayın 30-u Füzulidə şəhid olub. O, "Vətən uğrunda", "Füzulinin azad olunmasına görə" və "Xocavəndin azad olunmasına görə" medalları ilə təltif edilib.
Şəhid Xudat şəhərində dəfn edilib. İki övladı yadigar qalıb.
