Dövlət Ekoloji Təhlükəsizlik Xidməti tərəfindən qeyri-qanuni yollarla əldə edilmiş vəhşi heyvan və quş ətinin iaşə və ticarət obyektlərində satışı və istifadəsinin qarşısının alınması ilə əlaqədar ümumilikdə 12 şəhər və rayon üzrə 20 obyektdə monitorinqlər keçirilib.
Shimal.News xəbər verir ki, monitorinqlər Bakı və Sumqayıt şəhərlərində, Şabran, Abşeron, Astara, Salyan, Quba, Xaçmaz, Masallı, Qusar, Biləsuvar və Sabirabad rayonlarında yerləşən restoran, kafe və digər ictimai iaşə obyektlərini əhatə edib.
Şabran rayonunda fəaliyyət göstərən “Qala” və “Dağlı”, Quba rayonunuda fəaliyyət göstərən “Quba Central”, Xaçmaz rayonunda fəaliyyət göstərən “Yaşıl bağ”, “Sərin meşə”, “Sərin bulaq”, Qusar rayonunda fəaliyyət göstərən “Diamond” adlı iaşə obyektində və yuxarıda adı çəkilən digər şəhərlərdə keçirilmiş monitorinqlər zamanı ümumilikdə 91 baş çöl quşu (qaşqaldaq və ördək) aşkar olunaraq götürülüb.
Aşkarlanmış nöqsanlarla bağlı qanunamüvafiq tədbirlər görülüb. Hazırda monitorinqlər davam etdirilir.
