Siyəzən şəhərində 11 yaşlı uşaq dəm qazından zəhərlənərək ölüb.
Bizim.Media-nın məlumatına görə, hadisə Heydər Əliyev 43 ünvanındakı 8 saylı mənzildə baş verib.
Oğlan uşağının meyiti evin hamam otağında tapılıb. Hüquq-mühafizə orqanlarının ehtimalına görə, azyaşlı çimərkən dəm qazından boğularaq ölüb.
Mərhumun meyiti tibbi ekspertiza üçün Məhkəmə Tibbi Ekspertiza və Patoloji Anatomiya Birliyinin Sumqayıt şəhər şöbəsinə təhvil verilib.
Faktla bağlı Siyəzən Rayon Prokurorluğu araşdırma aparır.
