Xəzər dənizinin Siyəzən rayonu akvatoriyasında qanunsuz balıq ovunun qarşısı alınıb.
Shimal.News Ekologiya və Təbii Sərvətlər Nazirliyinə istinadən xəbər verir ki, Dövlət Ekoloji Təhlükəsizlik Xidmətinin əməkdaşları tərəfindən qanunu pozan şəxslər saxlanılıb. Onların Siyəzən rayonu Balaca Həmyə kənd sakini Təbriz İsgəndərov, Yenikənd kənd sakini Vüsal Məmmədov olduğu müəyyən edilib.
Həmin şəxslərdən xeyli sayda qanunsuz ovlanmış balıq və istifadəsi qadağan olunmuş ov alətləri aşkar edilərək götürülüb.
Faktlarla bağlı qanun pozucuları barəsində protokol tərtib edilib və müvafiq tədbir görülüb.
