Siyəzən rayonunda əlil övladına təcavüz etmiş şəxs həbs edilib.
“Bakıvaxtı.az”-ın məlumatına görə, rayondakı qurumlardan birində fəhlə işləyən 54 yaşlı Y.Feyziyev (ad-soyadlar şərtidir) Cinayət Məcəlləsinin 149 və 150-ci (Zorlama və seksual xarakterli zorakılıq əməlləri) maddəsi ilə məsuliyyətə cəlb edilib.
Məlum olub ki, hadisə cari ilin yanvar ayının 30-u gündüz saatlarında baş verib. Təqsirli olan şəxs yaşadığı ünvanda I qrup əlilliyi olan, özünü müdafiə etmək və müqavimət göstərmək imkanından məhrum olan 24 yaşlı Güləndama cinsi təcavüz edib. Bu zaman qızın anası gəlib və hadisə barədə polisə məlumat verib.
Güləndam serebral iflic, eşitmə və danışma əngəlli, əqli gerilik və s. xəstəliyindən əziyyət çəkir.
İstintaq prosesi zamanı əlil qızın bioliji atası başqa şəxs olduğu məlum olub. Lakin hadisəyə qədər Y.Feyziyev onu doğma qızı sanırmış.
Sumqayıt Ağır Cinayətlər Məhkəməsinin ötən həftə çıxardığı hökmlə Y.Feyziyev 7 il müddətinə azadlıqdan məhrumetmə cəzasına məhkum edilib.
