Yerli icra hakimiyyəti orqanlarının fəaliyyəti özlərinə məxsus veb saytlarında əks olunur. Onların gördükləri işlər PR komandası tərəfindən paylaşılır.
Publika.az-ın məlumatına görə, lakin bəzi icra hakimiyyətlərinin veb saytlarında son bir ay ərzində yeniliklərə rast gəlinmir.
Bu zaman belə bir sual ortaya çıxır: Həmin icra hakimiyyətləri iş görmür, yoxsa görülən işlər sayta yerləşdirilmir?
Belələrindən biri də Siyəzən Rayon İcra Hakimiyyətidir. Saytda son paylaşım oktyabrın 25-də olub.
Qeyd edək ki, Azərbaycan Respublikası Konstitusiyasına müvafiq olaraq icra hakimiyyətinin vahid sistemini yuxarı, mərkəzi və yerli icra hakimiyyəti orqanları təşkil edir. Bu sistem dövlət orqanlarının və qulluqçularının əsas çoxluğunu əhatə edir və geniş hüquqa malikdir. Qanunların icrası icra hakimiyyətinin əsas funksiyasıdır. Azərbaycan Respublikasında icra hakimiyyəti Azərbaycan Respublikasının Prezidentinə mənsubdur.
