Aqrar Təlim Mərkəzinin Quba və Xaçmaz rayonlarında təşkil etdiyi maarifləndirici tədbir çərçivəsində Xaçmazda sahə görüşü keçirilib.
Shimal.News xəbər verir ki, iştirakçılarla meyvəçilik sahəsində müasir calaqetmə üsulları və sertifikatlı ting istehsalı üzrə praktiki təcrübə paylaşılıb.
Meyvəçilik və Çayçılıq Elmi Tədqiqat İnstitutunun təcrübə sahəsində keçirilən görüşdə beynəlxalq ekspert Serkan Şimşek fermerlərə meyvə ağaclarının calaqetmə üsulları, calaqaltı-sort uyğunluğu və yerli torpaq-iqlim şəraitinə uyğun seçim barədə məlumat verib.
İştirakçılara sertifikatlı ting istehsalı, əkin materialının keyfiyyətinə nəzarət və beynəlxalq standartların tətbiqi ilə bağlı praktiki biliklər də təqdim olunub.
Aqrar Təlim Mərkəzinin direktoru Rəşad Mehdizadə bildirib ki, bu cür təlimlər regionların kənd təsərrüfatı potensialı və fermerlərin ehtiyacları nəzərə alınmaqla təşkil edilir.
Qeyd edək ki, tədbir 2026–2030-cu illər üzrə Dövlət Proqramı çərçivəsində tingçilik sahəsinin inkişafı və müasir aqrar texnologiyaların tətbiqinin təşviqinə xidmət edir.![]()
![]()
![]()
![]()
![]()