Quba-Xaçmaz Regional Təhsil İdarəsi müəllimlərin sertifikasiyaya hazırlaşmalarına dəstək məqsədilə proqram həyata keçirir. Bu barədə ShimalNews 19 iyul tarixində idarəyə istinadən məlumat verir.
"Gəlin birgə öyrənək!" adlı dəstək proqramının tətbiqi məqsədilə ilk mərkəz bu gündən etibarən Qubada, A. Məmmədov adına 2 nömrəli Təbiət Fənləri təmayüllü məktəb-liseydə keçiriləcək. Mərkəzdə peşəkar mütəxəssislər müəllimlərə imtahana hazırlıq üçün pedaqoji, metodiki və psixoloji dəstək göstərəcəklər. Ödənişsiz olaraq təşkil olunacaq təlimlərdə könüllü təlimçi-dəstəkçi kimi fəaliyyət göstərmək üçün ilkin olaraq 140 müəllim müraciət edib.
Növbəti həftələrdə Qusar, Xaçmaz, Şabran və Siyəzən rayonlarında da bu cür mərkəzlərin fəaliyyətə başlaması planlaşdırılır.
