Şimal bölgəsində iyunun 20-nə gözlənilən hava proqnozu açıqlanıb. Bu barədə ShimalNews 19 iyun tarixində məlumat verir.
Milli Hidrometeorologiya Xidmətinin məlumatına görə, İsmayıllı, Quba, Xaçmaz, Qusar rayonlarında hava, əsasən, yağmursuz olacaq. Yalnız səhər dağlıq ərazilərdən başlayaraq bəzi yerlərdə fasilələrlə yağış yağacağı, şimşək çaxacağı gözlənilir.
Ayrı-ayrı yerlərdə leysan xarakterli intensiv və güclü olacağı, dolu düşəcəyi ehtimalı var. Gecə və səhər arabir duman olacaq. Qərb küləyi gündüz arabir güclənəcək. Havanın temperaturu gecə 18-23 dərəcə, gündüz 30-35 dərəcə, dağlarda gecə 13-18 dərəcə, gündüz 23-28 dərəcə isti olacaq.
