Xudat, Siyəzən və Şabran şəhərlərində qanunsuz ovlanmış körpə nərə cinsli balıqların satıldığı müəyyən edilib. Bu barədə ShimalNews 20 fevral tarixində APA-ya istinadən məlumat verir.
Qanunsuz balıq ovunun və qeyri-qanuni əldə edilmiş ov məhsullarının satışının qarşısının alınması məqsədilə Bakı-Siyəzən-Quba avtomagistralının kənarında yoxlama aparılıb. Burada sanitariya və gigiyena qaydalarına əməl olunmadan satılan balıqların süni yolla yaradılan kiçik gölməçələrdə üfunətli suda ölü balıqlarla birgə saxlanıldığı müəyyən edilib.
Araşdırma zamanı saxlanılan şəxslər barəsində protokol tərtib olunub və qanunamüvafiq tədbirlər görülüb.
