Quba–Xaçmaz Regional Təhsil İdarəsinin tabeliyindəki ümumi təhsil müəssisələri “Təhsildə yeni çağırışlar” adlı regional konfransda iştirak edəcəklər. Bu haqda ShimalNews 3 may tarixində məlumat verir.
Tədbir mayın 4-də Xaçmazda baş tutacaq. Təşkilatçılar Məktəbəqədər və Ümumi Təhsil üzrə Dövlət Agentliyi və “T–Network” təhsil işçilərinin təcrübə və kommunikasiya platforması olacaq. Dəstək isə Elm və Təhsil Nazirliyi, Təhsil İnstitutu, Azərbaycan Dövlət Pedaqoji Universiteti və Quba–Xaçmaz Regional Təhsil İdarəsi tərəfindən təmin ediləcək.
Müəllimlər konfransda iştirak etmək üçün “Facebook” sosial şəbəkəsindəki profilində “Azərbaycan müəllimi ilə qürur duy, çünki...” cümləsini yazaraq tamamlamalı və hər kəsə açıq formada #dahatəhsilligələcək həştəqi ilə paylaşmalıdırlar. Sonra isə müvafiq link vasitəsilə qeydiyyatdan keçməlidirlər.
Seçim turunu keçən şəxslərlə əlaqə saxlanılacaq. Sonda isə iştirakçılara sertifikat təqdim olunacaq.
