FHN-in Şimal Regional Mərkəzi tərəfindən məktəblərdə mülki müdafiə fənnini tədris edənlər üçün kurslar keçirilib. Bu haqda ShimalNews 29 sentyabr tarixində nazirliyə istinadən məlumat verir.
Quba-Xaçmaz Regional Təhsil İdarəsinin rayon təhsil sektorlarının 2-ci, 5-ci və 6-cı sinif rəhbərlərinin qatıldığı təlimdə təbii və texnogen xarakterli fövqəladə hadisələr zamanı düzgün davranış, təxliyə planlarının hazırlanması qaydaları, mülki müdafiə, yanğın və texniki təhlükəsizlik tədbirləri haqqında ətraflı məlumatlar verilib. İştirakçılara mövzularla bağlı hazırlanmış fotoslayd və videoçarxlar nümayiş olunub.
Kursun keçirilməsində məqsəd mülki müdafiə sahəsi üzrə bilik və bacarıqların artırılması olub.
