Xaçmaz, Quba və Qusar rayonlarında sudan qənaətli istifadənin təmin edilməsi məqsədilə növbəti görüşlər keçirilib. Bu haqda ShimalNews 20 iyun tarixində məlumat verir.
“Su ehtiyatlarından səmərəli istifadənin təmin olunması, alternativ su mənbələrinin yaradılması və həmin mənbələrdən istifadənin genişləndirilməsi” mövzusunda təşkil olunan tədbirlərdə Ekologiya və Təbii Sərvətlər Nazirliyinin, Kənd Təsərrüfatı Nazirliyinin, Dövlət Su Ehtiyatları Agentliyinin nümayəndələri, rayon icra hakimiyyətinin məsul işçiləri, bələdiyyələr, sudan istifadə edən birliklər, yerli icra nümayəndələri və fermerlər iştirak ediblər.
Görüşlər zamanı şəhər və rayonlarda su ehtiyatlarından səmərəli istifadənin təmin edilməsi sahəsində görülən işlər barədə ictimaiyyət məlumatlandırılıb, sudan qənaətli və səmərəli istifadə, bir sıra digər vacib məsələlər barədə su istehlakçılarının və kənd təsərrüfatı məhsulları istehsalçılarının maarifləndirilməsi həyata keçirilib.
