Şimal regionunda direktor vəzifəsinə işə qəbul müsabiqəsi keçirilib. Bu barədə ShimalNews 16 iyul tarixində Azərtac-a istinadən məlumat verir.
Şagird sayı 151-dən 500 nəfərədək olan ümumi təhsil müəssisələrində vakant yerlər üçün test imtahanı baş tutub. Burada Quba, Xaçmaz, Qusar, Şabran və Siyəzən rayonları üzrə ümumilikdə 55 nəfər namizəd iştirak edib.
İmtahan 80 dəqiqə davam edib. Namizədlərə tənqidi oxu bacarığı üzrə 15, riyazi və məntiqi düşünmə üzrə 15, təhsil qanunvericiliyi üzrə 15 sual olmaqla 45 test tapşırığı təqdim olunub.
[caption id="attachment_20809" align="alignnone" width="300"]
Foto Azərtac[/caption]
