Azərbaycan Qida Təhlükəsizliyi İnstitutu Şimal bölgəsi üzrə sakinlərin müxtəlif sahələrdə işə qəbuluna başlayıb. Bu barədə ShimalNews 29 sentyabr tarixində instituta istinadən məlumat verir.
Qurum tərəfindən baytarlıq, fitosanitar və digər müvafiq sahələrdə çalışmaq istəyən, baytarlıq, zootexniklik, əczaçılıq, biologiya, kimya, bitki mühafizəsi, qida məhsulları mühəndisliyi, istehlak mallarının ekspertizası və marketinqi, aqronomluq, tibbi profilaktika, bitki mühafizəsi, genetik, biokimyaçı, aqrokimya, qidalanma gigiyenası üzrə mütəxəssis, molekulyar genetik, bioloq və hüquqşünas ixtisasları üzrə əməkdaşlar axtarılır.
Bura Quba, Qusar, Xaçmaz, Şabran və Siyəzən rayonlarında yaşayanlar müraciət edə bilərlər. Namizədlərdən müvafiq sahəyə uyğun ali təhsil və ixtisası üzrə iş təcrübəsi tələb olunur.
Tələblərə cavab verən şəxslər cv-lərini oktyabrın 2-si tarixinədək mövzu yerinə "AQTİ – Quba" yazaraq, [email protected] e-poçt ünvanına göndərə bilərlər.
İşə qəbul müsahibə əsasında aparılacaq.
