Şimal bölgəsində abituriyentlərə ixtisas seçimində dəstək göstəriləcək. Bu barədə ShimalNews 22 iyul tarixində ADPU-nun Quba filialına istinadən məlumat verir.
25-29 iyul tarixlərində “İxtisas Bələdçisi” adlı maarifləndirici seminarlar keçiriləcək. Tədbirlər Dövlət Məşğulluq Agentliyi, Azərbaycan Gənc Müəllimlər Assosiasiyası və Gənclərin İnkişaf və Karyera Mərkəzi tərəfindən təşkil olunacaq.
Beləliklə Qubada - 25 iyul, Qusarda - 26 iyul, Xaçmazda - 27 iyul, Şabranda - 28 iyul, Siyəzəndə isə iyulun 29-da görüşlər baş tutacaq.
Seminarlarda iştirakçılara karyera məsləhətçiləri tərəfindən ixtisas seçiminin aparılması meyarları, düzgün kodlaşdırma qaydaları, prosesin psixoloji aspektləri, əsas ixtisaslar və onların gələcək perspektivləri haqqında məlumatlar veriləcək.
Burada 9-11-ci sinif şagirdləri, abituriyentlər, onların valideynləri və müəllimlər iştirak edə bilərlər. Layihənin əsas məqsədi iştirakçıları müasir əmək bazarının tələbləri barədə məlumatlandırmaq, abituriyentlərin düzgün ixtisas seçimi etmələrinə dəstək verməkdir.
Tədbirdə iştirak üçün qeydiyyat linki: https://docs.google.com/forms/d/e/1FAIpQLSc8giBFV4I_-v_9HEv3XgtTlOgvk-ILHz6XMhW4h6KZvxVjdg/viewform?fbclid=IwAR2hmpRIokMbyQv37L6nv-VyTlh6PTMZF8vDPonoYcuYKM15kb8Z8NUVqL8
