Şabranın Ağalıq kəndində antisanitar vəziyyət aradan qaldırılıb.
Bu barədə Shimal.News-a Daxili İşlər Nazirliyinin Mətbuat Xidmətinin Quba regional qrupu və Şabran Rayon İcra Hakimiyyətindən məlumat verilib.
Qurumlardan bildirlib ki, sözügedən ərazidə yaxınlıqda yaşayan kənd sakinləri tərəfindən məişət tullantılarının atılması səbəbindən mövcud vəziyyət yaranıb. Polisin müşayəti ilə təmizlik işləri görülüb. Sakinlərlə bu mövzuda maarifləndirmə işi aparılıb və məişət tullantılarının atılması üçün müəyyən olunan ərazi olduğu onlara izah olunub. Eləcə də kənd ərazisində çirkab sularının küçələrə axıdılması faktı qeydə alınmayıb.
Bir müddət öncə məsələ ilə bağlı sakinlər Shimal.News-a müraciət edərək ərazidə natəmizlik yaranması haqda məlumat vermişdirlər. İddia olunurdu ki, zibilliklə yanaşı kənddə çirkab sular küçəyə axıdılır.
