Şabran şəhəri Tofiq İsmayılov küçəsindəki antisanitar vəziyyət aradan qaldırılıb.
Bu barədə Shimal.News-a Daxili İşlər Nazirliyinin Mətbuat Xidmətinin Quba regional qrupundan məlumat verilib.
Qurumdan bildirilib ki, əraziyə aidiyyəti dövlət orqanları cəlb olunub və polisin müşayiəti ilə təmizlik işləri görülüb, eləcə də sakinlərlə bu mövzuda maarifləndirmə işi aparılıb.
Bir müddət öncə məsələ ilə bağlı sakinlər saytımıza müraciət edərək ərazidə natəmizlik yaranması haqda məlumat veriblər. Şikayət əsasında isə Shimal.News “Şabranın Tofiq İsmayılov və ya zibilli küçəsi” başlıqlı yazı yayımladı.
