Şəki-Zaqatala Regional Təhsil İdarəsinin tabeliyində fəaliyyət göstərən ümumtəhsil müəssisələrində şagird və müəllim sayı bəlli olub.
Shimal.News xəbər verir ki, 2025–2026-cı tədris ilində şagirdlərin sayı 81.063 nəfər təşkil edir, məktəbəhazırlıq qruplarında isə 5 293 uşağın təlim-tərbiyəsi aparılır. Onların müəllimlərinin sayı isə 10.411 nəfərdir.
Regionda 350 təhsil müəssisəsi fəaliyyət göstərir. Onlar 3 lisey, 1 birbaşa tabe lisey, 2 məktəb-lisey, 1 gimnaziya, 1 internet tipli lisey, 3 internat tipli inteqrasiya təlimli gimnaziya, 8 ibtidai məktəb, 73 ümumi orta məktəb və 258 tam orta məktəbdir. Bundan əlavə, regionda 12 məktəbdənkənar təhsil müəssisəsi də fəaliyyət göstərir.
Məktəbəqədər təhsil sahəsində isə 204 müəssisədə 7.602 uşağın təlim-tərbiyəsi ilə 983 tərbiyəçi məşğul olur.
