Şahdağda şəhid övladları üçün “Gələcəyin qəhrəmanları” adlı tədbir keçirilib. Bu barədə ShimalNews 3 fevral tarixində ATV-yə istinadən məlumat verir.
Yüzdən çox şəhid övladı və yaxını Bakıdan Şahdağa yollanıb. Onlar ilk olaraq, Qusarda yaşayan şəhid övladları ilə qardaşlıq görüşü keçiriblər. Sonra isə birgə şən vaxt keçiriblər.
“Tədbirin keçirilməsinin əsas məqsədi ərazilərimizin, torpaqlarımızın bütövlüyü, müstəqilliyi və suverenliyi uğrunda canlarını qurban verən qəhrəman şəhidlərimizin ailələrini, onların bizə əmanət olan övladlarını diqqət və qayğıdan kənar saxlamamaqdır. Eyni zamanda onların bu günü əyləncəli, maraqlı və yaddaqalan keçirməsini təmin etməkdir”, - deyə Şahdağ Turizm Mərkəzinin mətbuat katibi Orxan Bədəlov bildirib.
Həmin gün anadan olan şəhid övladları üçün maraqlı sürprizlərlə yadda qaldı. Gecəni turizm mərkəzində keçirən şəhid övladları və digər ailə üzvləri səhər saatlarında istirahətlərinə davam edərək, müxtəlif qış turizm xidmətlərindən istifadə edib və xizək vərdişlərinə yiyələnmək üçün məşqlərə qatılıblar.
Səmayə Həşimova - Polad Həşimovun anası: “Onlara çox qayğı göstərmək lazımdır. Hər bir kəs onlara qayğı göstərməlidir və belə qayğılara onların ehtiyacı çoxdur. Bu körpələrimiz atasız, atalarından gözlədikləri nəvazişi ala bilmirlərsə, bu gün belə qayğıkeş insanlardan nəvaziş alırlar. Qayğı görürlərsə, nə xoş”.
[video width="1920" height="1080" mp4="https://shimal.news/storage/photos/2023/02/yt1s.com-Sahid-ovladlarinin-Sahdaga-safari_1080p.mp4"][/video]
