Şabranın Ağalıq kəndində antisanitar vəziyyət yaranıb.
Bu barədə Shimal.News-a yerli sakinlər məlumat veriblər.
Onlar bildiriblər ki, məişət tullantıları vaxtında daşınmadığı üçün ərazidə natəmizlik yaranıb. Hazırda kəndin mərkəzi zibillik poliqonunu xatırladır.
Narahatedici digər məsələ isə kanalizasiya ilə bağlıdır. Kənddə kanalizasiya xətti olmadığı üçün çirkab suları küçəyə axıdılır. Nəticədə həm daxili yollar sıradan çıxır, həm də üfunətdən gəzmək mümkün deyil.
Sakinlərin dediyinə görə, dəfələrlə onları narahat edən problemlərlə bağlı rəsmi qurumlara müraciət etsələr də, heç bir tədbir görülməyib.
