Şabran şəhərinin 20 Yanvar küçəsindəki antisanitar vəziyyət aradan qaldırılıb.
Bu barədə Shimal.News-a Daxili İşlər Nazirliyinin Mətbuat Xidmətinin Quba regional qrupundan məlumat verilib.
Qurumdan bildirilib ki, əraziyə aidiyyəti dövlət orqanları cəlb olunub və polisin müşayiəti ilə təmizlik işləri görülüb, eləcə də sakinlərlə bu mövzuda maarifləndirmə işi aparılıb.
Bir müddət öncə məsələ ilə bağlı sakinlər Shimal.News-a müraciət edərək ərazidə natəmizlik yaranması haqda məlumat vermişdilər. İddia olunurdu ki, zibilliklə yanaşı ətrafa yayılan pis qoxu səbəbindən yaxınlıqda yaşayanlar evlərində belə otura bilmirlər.
