Qusar Rayon Mərkəzi Xəstəxanasının sabiq direktoru Mübariz Zeynalovun məhkəməsi bitib. Bu barədə ShimalNews 30 dekabr tarixində məlumat verir.
Zeynalov ötən il tibb müəssisəsinin həkim-stomatoloqundan rüşvət qismində 2.000 manat pul vəsaiti istəyib. O, məbləğin 1000 manatını aldığı zaman xidməti otağında Korrupsiyaya qarşı Mübarizə Baş İdarəsinin əməkdaşları tərəfindən saxlanılıb.
Sumqayıt Ağır Cinayətlər Məhkəməsinin hökmünə əsasən, M.Zeynalov 7 il müddətinə azadlıqdan məhrum edilib.
Daha öncə bu hadisənin baş verməsi haqda xəbər vermişdik.
