Məşhur rusiyalı videobloger Gennadiy Jiqarev Quba və Qusar rayonlarında çəkilişlər aparıb. Bu barədə ShimalNews 14 aprel tarixində Destinasiya Menecmenti Təşkilatına (DTM) istinadən məlumat verir.
Gennadiy “Предки наших предков” youtube kanalının sahibidir. O, “Kultura” TV kanalının çəkiliş qrupu ilə birgə Qafqaz Albaniyası ilə bağlı materiallar toplayıb. Bu işdə Quba DTM çəkiliş qrupuna lazımi dəstəyi göstərib.
Qonaqlar Xınalıq və Laza kəndlərində, eləcə də Qusar bazarında çəkiliş aparıblar. Bundan əlavə, çörək sexində ləzgi mətbəxinin yeməyi olan şakukanın hazırlanma prosesini, Ləgər kəndində alban irsinin qalıqları olan kurqanı lentə alıblar.
Filmin 2024-cü ildə öncə “Kultura” TV kanalında, daha sonra isə Gennadiy Jiqarevin youtube kanalında yayımlanması planlaşdırılır.
