Qusarın Zuxul kənd sakinləri onları narahat edən məsələləri icra hakimiyyətinin qəbulunda səsləndiriblər. Bu haqda ShimalNews 13 sentyabr tarixində RİH-yə istinadən xəbər verir.
Vətəndaşlar, əsasən, torpaqların yuyulub aparılmasının qarşısının alınması üçün Samur çayında sahil mühafizə bəndlərinin quraşdırılması, kənd küçələrinin işıqlandırılması, içməli suya olan tələbatı ödəmək üçün 1 ədəd artezian quyusunun qazılması, kəndin ərazisindən keçən magistral yol kənarı boyu suötürücü arxların çəkilməsi və həmin yolda nəqliyyat vasitələrinin sürətinin məhdudlaşdırılması üçün yol nişanlarının quraşdırılması, internetin çəkilməsi və digər məsələlərin həllinə köməklik göstərilməsini xahiş ediblər.
Qaldırılan məsələlər üzrə müvafiq izahat verilmiş, bəzilərinin həlli üçün əlaqədar idarə və təşkilat rəhbərlərinə tapşırıqlar verilmişdir.
