İsmayıllı Rayon İcra Hakimiyyətinin iclas zalında İƏD üzrə nümayəndələrin iştirakı ilə tədbir keçirilib. Bu haqda ShimalNews 3 aprel tarixində məlumat verir.
“Nümayəndə günü”ndə gündəlik məsələlər, erkən nikaha daxil olma, özünü öldürmə və özünü öldürməyə cəhd hallarının qarşısının alınması, İƏD üzrə nümayəndəliklərin ərazilərində qanunsuz tikililərə qarşı mübarizə tədbirlərinin həyata keçirilməsi, Dövlət Statistika Komitəsinin ev təssərrüfatlarının uçotu kitabı üzrə elektron sistemində mövcud olan çatışmazlıqların aradan qaldırılması, habelə nümayəndəliklərin ərazisində təmizlik, abadlıq işlərinin görülməsi, əmək və icra intizamına nəzarətin artırılması müzakirə edilib.
Qaldırılan məsələlərlə əlaqədar İƏD üzrə nümayəndələrə vətəndaşlarla maarifləndirici görüşlərin keçirilməsi və mövcud problemlərin vaxtında aradan qaldırılması barədə tapşırıqlar verilib.
