Qadın taekvondoçulardan ibarət Azərbaycan milli komandasında baş məşqçi dəyişikliyi edilib.
Azərtac-ın məlumatına görə, Cənubi koreyalı çalışdırıcı Sun Mi Parkla yollar ayrılıb.
Artıq 52 yaşlı mütəxəssisin yerinə yeni təyinat da olub. Yığmanın sükanı arxasına Azərbaycanın veteran taekvondoçusu Fəridə Əzizova keçib.
Xatırladaq ki, F.Əzizova İslam Həmrəylik Oyunlarının qalibi, dünya və Avropa çempionatlarının bürünc, I Avropa Oyunlarının gümüş mükafatçısıdır. İdmançımız 6 iyun 1995-ci ildə Qusarda anadan olub.
