Türkiyənin Konya şəhərində keçirilən V İslam Həmrəyliyi Oyunlarında taekvondo üzrə qusarlı idmançımız Fəridə Əzizova qızıl medal qazanıb. Bu barədə ShimalNews 11 avqust tarixində Azərbaycan Taekvondo Federasiyasına istinadən məlumat verir.
İslamiadanın çempionluq titulunu qazanan Fəridə 67 kq çəki dərəcəsində mübarizə aparıb. O, yarışmaya qazaxıstanlı Feruza Yerqeşova üzərində inamlı qələbə ilə başlayıb. Yarımfinalda isə Salih Safini (Mərakeş) məğlub edib. Sonda Əzizova çempionluq üçün Zeynab Varaqhulla (İran) üz-üzə gəlib. Gərgin keçən döyüşdə qələbə qazanan Fəridə fəxri kürsünün ən yüksək pilləsinə qalxıb.
Bununla da idmançımız 5 il öncə Bakıda analoji yarışda qazandığı “gümüş”ü “qızıl”la əvəzləyib.
Təbriklər, Fəridə!
[caption id="attachment_22218" align="alignnone" width="300"]
Azərbaycan Taekvondo Federasiyası[/caption]
[caption id="attachment_22219" align="alignnone" width="300"]
Azərbaycan Taekvondo Federasiyası[/caption]
