Bu gün qusarlı qəhrəman, Vətən müharibəsi şəhidi polkovnik-leytenant Babək Ramaldanovun doğum günüdür.
Babək 1997-2004-ci illərdə Cəmşid Naxçıvanski adına Hərbi Liseydə və Heydər Əliyev adına Azərbaycan Ali Hərbi Məktəbində (AAHM) təhsil alıb. Daha sonra Rusiya Silahlı Qüvvələrinin Ümumqoşun Liseyini bitirib.
2020-ci ildə Vətən müharibəsi başlayan gündən 40 yaşlı Ramaldanov işğal altında olan ərazilərin azad edilməsi və Azərbaycanın ərazi bütövlüyünün bərpa olunması üçün döyüşlərə qatılıb.
O, Cəbrayılın və Füzulinin azadlığı uğrunda gedən döyüşlərdə savaşıb və oktyabrın 16-da şəhid olub. Qəhrəman zabit II Şəhidlər Xiyabanında dəfn olunub.
Ramaldanov göstərdiyi igidlik və qəhrəmanlıqlara görə, “Vətən uğrunda”, “Cəbrayılın azad olunmasına görə”, "Füzulinin azad olunmasına görə" medalları və “Azərbaycan Bayrağı” ordeni ilə təltif edilib.
Babək ailəli idi, 2 oğlu yadigar qalıb.
