Təmizliyi ilə bölgəyə gələn hər kəsi təəccübləndirən Qusar şəhərində xoşagəlməz hal əmələ gəlib.
Shimal.News xəbər verir ki, Qusar şəhərinin əsas girişində yerləşən Qusarçayın üzərindəki körpünün ətrafı çirkləndirilib. Bir sıra vətəndaşlar tullantılarını körpü boyu çay yatağına atıblar. Eyni zamanda Qusar şəhərinin əsas ət kəsimi məntəqəsinin ətrafında da antisanitar vəziyyət hökm sürür.
Qeyd edək ki, Qusara qonaq gələn turistlərin ilk gördüyü mənzərələrdən biri də Qusarçay olur.