Qusar rayon İcra Hakimiyyətində Qarabağ müharibəsi qaziləri ilə görüş keçirilib.
Shimal.News xəbər verir ki, görüşdə icra başçısı Sahir Məmmədxanov, Milli Məclisin deputatı Azər Badamov, dövlət qurumlarının məsul şəxsləri, müvafiq idarə, müəssisə rəhbərləri və qazilər iştirak ediblər.
Qazilərimiz torpaq sahələrinə çıxarışların alınması, işlə təminat, reabilitasiya xərclərinə köməklik göstərilməsi, yaşadıqları ərazidə avtomobil yollarının asfaltlanması, evlərinə qaz xəttinin çəkilişi və digər sosial problemlərin həlli ilə bağlı müraciət ediblər. Onların sualları cavablandırılıb, qaldırılan problemlərin həlli ilə bağlı müvafiq idarə, müəssisə rəhbərlərinə aidiyyatı üzrə tapşırıqlar verib.
