Qusarda narkotik təsiri altında avtomobil idarə edən şəxs saxlanılıb. Bu haqda ShimalNews 31 yanvar tarixində Daxili İşlər Nazirliyinin Mətbuat Xidmətinə istinadən məlumat verir.
Dövlət Yol Polisi bölməsinin əməkdaşları tərəfindən “VAZ-2106” markalı nəqliyyat vasitəsinin sürücüsü yol hərəkəti qaydalarını kobud şəkildə pozduğuna gör nəzarət-yoxlama qaydasında saxlanılıb. Sürücü Zamir Vəlimətovun narkotik vasitənin təsiri altında olmasına dair əsaslı şübhələr yaranıb. O, tibbi müayinədən keçirilib. Nəticədə həmin şəxsin narkotik vasitənin təsiri altında olması sübuta yetirilib.
Z.Vəlimətovun barəsində qanunvericiliyin tələblərinə uyğun müvafiq tədbir görülüb.
