Qusarda 44 günlük Vətən müharibəsi şəhidləri Ümüd Xəncəlov və Murad Kəlbiyevin anım mərasimləri keçirilib.
Shimal.News məlumat verir ki, tədbirdə icra başçısı Sahir Məmmədxanov, Milli Məclisin deputatı Azər Badamov, dövlət qurumların məsul şəxsləri, şəhidlərimizin ailə üzvləri və qazilər iştirak ediblər.
Əvvəlcə Hil kəndindən olan şəhid Ümüd Xəncəlov, daha sonra Cibir kəndindən olan şəhid Murad Kəlbiyevin məzarları ziyarət olunub, onların əziz xatirəsi böyük ehtiramla yad edilib. Daha sonra ehsan süfrəsi açılıb.
Məlumat üçün bildirək ki, Azərbaycan Ordusunun əsgəri olan kəşfiyyatçı Ümüd Xəncəlov 44 günlük Vətən müharibəsi zamanı Cəbrayılın, Hadrutun və Füzulinin azadlığı uğrunda gedən döyüşlərdə savaşıb. Şəhid olduğu günə qədər 50-dən çox hərbçinin həyatını xilas edib, oktyabrın 6-da Füzuli döyüşləri zamanı şəhid olub.
Azərbaycan Ordusunun əsgəri olan Murad Kəlbiyev 2020-ci il sentyabrın 27-də başlanan II Qarabağ müharibəsində savaşıb, oktyabrın 5-də şəhadətə ucalıb.
